春田冰室

營業中

休息中

春田冰室紅磡有間新開嘅冰室，環境好乾淨，夠大夠闊落，坐得又好舒服，價錢唔貴，啲嘢食又好味又足料，住附近真係可以當飯堂😊焗鮮茄雞扒意粉，$60焗飯係呢度嘅招牌，一定要試😌原來想要炸魚柳，不過嗰日賣晒，叫咗雞扒，雞扒都好正，大大塊，茄汁同芝士都好多，所以意粉好夠味，食起身酸酸甜甜夠開胃，一啲都唔滯。咖哩炸豬扒飯，$54呢度嘅咖哩都好好味，除咗撈飯，我仲攞嚟撈雞肉同菜食，點食都覺得好味。炸豬扒勁香勁脆，真係好正👍🏻椰子雞米粉，55店員話呢個湯底好正，叫我哋試吓，估唔到真係好好味，香濃清甜嘅椰子味，我哋當湯飲，入面嘅雞都勁嫩，食好多都唔漏。炸雞髀薯條，$40生炸雞髀，唔會太油太漏，啱晒下午茶食，配埋至愛嘅薯條，肥都肥得開心😆葱花炒蛋治，$32厚厚嘅葱花炒蛋好正，三文治方包夠軟，咁嘅配搭好唔錯，做下午茶一流。小食拼盤，$68睇中小食拼盤有雞肉串，仲有咖哩角同春卷，每樣有4件，1人1件啱啱好😊芝士白汁焗雙花，$38近排買菜好貴，所以每次出街食都要點份菜食🤣西蘭花同椰菜花都同白汁好夾。嘢飲要推介呢杯華田脆脆俾大家，好好飲呀，上面層脆脆增添口感，一定要試。