越一越南牛肉粉專門店

營業中

休息中

每個月都會同屋企人去黃大仙鳳凰新村探親戚，以前間中都有幫襯越一，今日去到見佢做緊85折，有特價又去食下。 叫左個午市lunch，越一生牛肉湯河$52，加個小食西貢扎肉蒸粉包$18 ，再加$8要杯特飲椰汁三色冰，85折完都係60幾蚊，真係幾抵食！越一生牛肉湯河仍然保持水準，個湯熬成10個鐘，仲要無味精，飲落幾濃郁。生牛肉份量都唔少，牛肉幾滑幾嫩，幾好味！西貢扎肉蒸粉包都幾大件，呢個份量係半份，有兩件，札肉大大片，蒸粉包入面好多料，唔錯唔錯！椰汁三色冰 賣相幾靚 椰香味十足，唔會過甜，飲得幾舒服。下次會再嚟食！