土耳其小城 (萬昌樓) (已結業)

元朗出名有臥虎藏龍餐廳，要好留意先發現到深藏不露餐廳。今日竟然比我發現到呢間平靚正土耳其餐廳，份量大價錢又抵食，食完係扶住牆出去。今次選擇左木炭烤羊件，份量勁多大，每一支羊肉串都粗過拳頭，總要係 $138 ，真係抵食到癲，而且每串都係免治羊肉同芫荽籽，完全無加入其他麵粉。每一啖都係滿足感覺。淡淡都係肉，而且羊肉無騷味，加上芫荽真係好夾。唔食芫荽都食唔出芫荽味道。小食選擇左脆皮鮮奶卷 同深海魚柳沙律 ，呢個沙律有（魚柳，生菜，蕃茄和洋蔥）鮮奶卷炸到勁脆，一入口滿滿牛奶味，而且呢個鮮奶卷唔會太膩，反而越食越上頭，停唔到口。總有個沙律有魚柳，生菜番茄同洋蔥配搭好fresh。魚柳炸得勁脆而且唔會太油膩，加上配埋個沙律爽口，真係好食癲。必食之選總有土耳其薄餅 ，呢個烤餅唔係普通烤餅，加入左芝士，食落香口又脆之餘總有一層薄薄支士香味。