Egyptian House Restaurant & Bazar (已結業)

經過isquare,上open rice search 特色餐廳，成日食日本嘢有d厭，無意中發現了呢間埃及餐廳有好多好評，朋友去過埃及，話通常埃及菜都好好食，決定上去試下.呢間樓上私房菜，樓下無招牌，搵了一陣先搵到，㩒門鐘有侍應開門，見全舖幾張枱都坐了人，有香港人有當地local,個心定一定，通常有當地local 去的餐廳中伏機會不大，侍應好有禮貌，帶了我地去望到電視的位坐低及俾了餐牌，本身對埃及菜不太熟識，唔係甘知order 咩好，大廚出了來招呼我地，好nice 問我地鍾意食咩，朋友係食肉獸，我地order 了醃青瓜，埃及烤肉餅，肉丸及羊架⋯侍應先送上醃青瓜，好味，之後係焗得香口的烤餅，入面烤肉充滿肉汁，未上枱已經聞到香味撲鼻，之後係肉丸同羊架，用秘製醬汁，羊架肉質鮮嫩，一點也不鞋口，d食物最吸引抵讃既地方係每一樣菜未上抬已經香味四溢，食材食得出係新鮮的，同埋熱辣辣，出面好多餐廳忽略了呢機樣嘢，但其實呢樣嘢係最仲要，今餐真係食得好滿足,埋單，不收加一，茶餐廳價錢，下次一定再嚟😁😁😁