而打淥滷汁拌粉 (青衣城2) (已結業)

好抵食嘅外賣店，主打食滷水產品，種類多👍🏻不過舖頭都有得坐，可以慢慢食，不過平時都係攞走多。今次揀咗胡麻醬手撕雞撈冷麵，手撕雞份量好足呀，夠嫩滑，配上胡麻醬好好食，大大份都只係$46，真係好抵。另外叫咗份定食，豬三樣飯，有齊餐前小食、豬耳、豬手、滷肉、飯同嘢飲，同樣非常大份同抵食，勁豐富。滷水嘅味道唔錯，啱啱好，好送飯，外賣返到去都仲好好味😋另外可以加$12試咗佢嘅薑母仙草，都幾唔錯喎，好抵食。