影片
更多
2014-05-03
1707 瀏覽
在黃竹坑返左3年工，最大得著就係搵度呢間泰國餐廳。雖然位於熟食市場，夏天熱到無朋友，但食物質數真係無得頂。搬左OFFICE之後終於有時間返去再食，始終無啦啦係無人會去山卡啦既黃竹坑。一去到，麥生就叫左必食既生蝦刺身。其實我覺得生蝦刺身第一要新鮮，第二就睇個汁。我有孕在身，都忍唔住偷偷地食左一隻，爽滑彈牙是必須的，加埋個汁，簡直係想再食多幾隻。未懷孕之前其實我同麥生係一人叫一碟，而家有得睇無得食。。。之後就到我另一最愛柚子沙津。好多地方既柚子沙津係真係得柚子，仲要整散哂D柚子，真係想講粗口。呢度既柚子沙津有雞絲同蝦，同埋D柚子唔係全部都係碎，有口感，個雞絲真係好好食。再黎就係海鮮冬陰公，其實入面有蝦，但可能隻蝦係拎黎煲湯，所以係好鞋既。但入面有好多菇同蕃茄，好味道，但如果唔食得辣，就一定要叫佢小辣，因為真係好辣。仲有就係馬拉盞炒通菜，馬拉盞好足料，我好中意D蝦4乾仔，基本上呢碟菜係我一個人食哂，但一定要襯熱食，唔係凍左好咸。後來仲加左個酸辣鳳爪，都一定要叫小辣，上次唔記得佢小辣，辣到飛起。超足料，食極都仲有。我本第好中意食酸辣鳳爪，呢個做得好爽口，正。仲叫左個炒粉絲，其實係麥生至愛，佢一
搬左OFFICE之後終於有時間返去再食，始終無啦啦係無人會去山卡啦既黃竹坑。
一去到，麥生就叫左必食既生蝦刺身。其實我覺得生蝦刺身第一要新鮮，第二就睇個汁。我有孕在身，都忍唔住偷偷地食左一隻，爽滑彈牙是必須的，加埋個汁，簡直係想再食多幾隻。未懷孕之前其實我同麥生係一人叫一碟，而家有得睇無得食。。。
之後就到我另一最愛柚子沙津。好多地方既柚子沙津係真係得柚子，仲要整散哂D柚子，真係想講粗口。呢度既柚子沙津有雞絲同蝦，同埋D柚子唔係全部都係碎，有口感，個雞絲真係好好食。再黎就係海鮮冬陰公，其實入面有蝦，但可能隻蝦係拎黎煲湯，所以係好鞋既。但入面有好多菇同蕃茄，好味道，但如果唔食得辣，就一定要叫佢小辣，因為真係好辣。
仲有就係馬拉盞炒通菜，馬拉盞好足料，我好中意D蝦4乾仔，基本上呢碟菜係我一個人食哂，但一定要襯熱食，唔係凍左好咸。
後來仲加左個酸辣鳳爪，都一定要叫小辣，上次唔記得佢小辣，辣到飛起。超足料，食極都仲有。我本第好中意食酸辣鳳爪，呢個做得好爽口，正。
仲叫左個炒粉絲，其實係麥生至愛，佢一個人自己食左一碟，我試左幾啖，佢話炒得好乾身又條條都好有味又唔油，但因為我唔中意食，所以我相都無影。仲有叫左2杯青檸SODA，埋單300頭，送左2個MINI 椰汁膏，唔使錢黎計都叫係咁。
題外話/補充資料：
餐廳好似食逢星期二休息，每年佢地都會休息一個月返泰國，去之前最好打個電話去問下有無問。同埋佢隔黎都有間泰國餐廳，小心去錯。其實佢既青咖哩都好好味，唔怕口臭叫埋佢個蒜容包(其實係好似蒜容多士)就無得頂，不過得2個人，實在食唔到咁多，唯有再下次了。
(以上食評乃用戶個人意見 , 並不代表OpenRice之觀點。)
張貼
