築地番本日式放題 (已結業)

有個放題控朋友，每次有佢既飯局，都定必要揀食放題滿足佢~係香港，放題店真係非常多，今次我地揀左築地番本，地點就腳之餘，評價都相當高~每次食放題我都好緊張飲品有乜選擇，因為我係飲多過食今次真係有驚喜~有凍飲熱飲，仲有我至愛既有氣利賓納!!!仲有復刻版陽光包裝飲品甜品選擇都唔少，焦糖燉蛋就最正，又滑又香蛋味，面頭焦糖脆卜卜~刺身就擺得唔太靚，一堆放埋一齊，不過都新鮮好味，多選擇~火炙三文魚壽司必食！飯細細舊，唔怕太飽，燒過既三文魚油流落飯度超香~~燒釀生蠔~蠔肉上面釀左芝士沙律醬同一d配料，食落有鮮味，口感豐富~炸物都出色，炸得金黃香脆，皮唔會太厚~芝士年糕qq口感，入面芝士流出來，必食~~最後清清地叫左清酒煮蜆，蜆肉鮮甜大粒無砂，好味~飯後果一定要食燒菠蘿，酸酸甜甜，解喝又解膩~埋單二百多元一位，食番本d都唔難！