Thai 2.0 (已結業)

愉景新城好闊落，食晚餐一流，夠靜，唔洗爭排隊，又夠安全（疫情下，保持距離），卡位坐得又舒服。講返泰國菜，咖哩軟殼蟹有4隻，咖哩好大方，仲有好多三色椒，食得好忘我，聽朝起身就肚痾了，因為受唔起太結的濃咖哩，甚是可惜。泰國炒雜菜有5種蔬菜，不過不失，唔吸引。冬蔭公湯有5隻蟹，足料多菇，每人飲一碗好開胃，又酸又 甜，但肚仔脹了😂串燒只要加$40，雞串比豬串野味、香。金邊粉都美味可口的，有5隻蝦，唔孤寒，但唔小心撈埋辣醬，我唔點食了，好曬😭😭野飲推薦熱龍眼冰，可舒緩一下spicy food埋單$329/2人，尖沙咀食呢個份量泰國菜約需要$700/2人