孖寶去骨海南雞 (又新街)

營業中

休息中

平時只會叫外賣送上樓，今次係第一次堂食！食嘅仍然係二人餐！真係大件夾抵食！套餐包括半隻海南雞或口水雞，兩湯，兩油飯，油菜一碟同八選一嘅餸。相信就算大食嘅朋友都會夠飽！講真嚟得呢度梗係要食佢個無骨海南雞喇！全場都無人叫口水雞😂叫完野會先送碗熱騰騰嘅湯，睇得出係好足料南瓜湯，仲有雞腳添！半隻雞夠哂兩人食！配埋佢個甜鼓油真係無得頂！而且咁啱畀我發現到佢隻鼓油嘅牌子，要西圍搵下買枝番屋企先得！整睇黎講真係啱哂我呢啲懶人，無骨啖啖肉，而且重要價錢平，做街坊生意👍🏻不過下次我都係會選擇打個電話等食😂值得一提嘅係佢嘅外買速度非常之快！我上次只係等左半個鐘多少少就有得食住元朗嘅朋友真係要試吓！