肥仔海南雞專門店 (開源道)

營業中

休息中

我一直都係海南雞飯愛好者，尤其鐘意食香噴噴嘅油飯。呢間喺觀塘嘅海南雞專門店係我成日都會幫襯嘅餐廳，我食開嘅係海南雞飯轉雞髀。呢度雞件嘅份量好多，雞肉嫩滑， 雞皮又夠肥；油飯有雞油味，乜都唔點都好香，食過好多次飯都煲得幾好，唔會溶溶爛爛咁，配搭雞肉嘅醬料有兩款，一款係酸酸辣辣嘅汁，個汁好勁蒜味，啱晒我呢啲重口味人士。而另一款係薑蓉，雖然佢係薑蓉，但唔係真係好勁薑味，反而係咸咸哋咁，好好送飯，連我呢個好抗拒薑嘅人都好鐘意。成個飯嘅份量幾多，女仔嚟講可能食唔哂，$50有呢個份量同質素嘅雞飯絕對係無得彈！