影片
更多
2018-05-05
1483 瀏覽
<灣仔區有平靚正潮菜 ! 😆>喺間喺灣仔軒尼斯道地段既潮菜 潮膳 新開燈火通明 坐位舒服 雖然灣仔地段 但食物質素唔錯 價錢又抵食 難得難得 . 👍🏻 除左一般打冷野 一d潮洲特色 好似反沙芋 粿都有 正😃🍴冰梅脆香骨 68 蚊🐷酸甜開胃既鑊氣野 用豬排骨整成 夠肥味 骨側邊帶有筋既口感 醬汁 夠濃 因為酸甜開胃 好啱做第一道菜👍🏻🍴蠔仔烙 78 蚊 🔥潮洲特色烙 同蠔餅唔同 佢比較扁身同薄身 口感比較多膠質 打成 上網search應該係地瓜粉整成 夠哂煙靭 再加上蠔仔 同煎蛋 夠鑊氣 🔥🍴滷水拼盤 148 蚊 細 😆滷水拼盤材料豐富 有入味鵝掌 同 鵝肉 爽口既豬耳同肥味豬腩肉 🐷 軟滑既豆腐 仲有香濃既紮肉 落足料 而且滷水汁咸度適中 好正😆🍴潮式凍烏頭 88 蚊🐟烏頭要有好好既脂肪量 夠肥味先會有黃油 😈 呢個烏頭黃油都唔少 以88 蚊黎講真係好抵食 點埋豆板醬更有風味👍🏻🍴沙茶炒牛肉 68 蚊🐂用左好爽口既葱花芽菜做底🌿 牛肉係用滑牛整 所以juicy同有軟滑口感 不得不提個沙茶醬多又香濃 牛肉同芽菜吸哂d汁真係好正😈,🍴手打牛丸 45 蚊🐂用牛湯浸住既牛丸
喺間喺灣仔軒尼斯道地段既潮菜 潮膳 新開燈火通明 坐位舒服 雖然灣仔地段 但食物質素唔錯 價錢又抵食 難得難得 . 👍🏻 除左一般打冷野 一d潮洲特色 好似反沙芋 粿都有 正😃
🍴冰梅脆香骨 68 蚊🐷
酸甜開胃既鑊氣野 用豬排骨整成 夠肥味 骨側邊帶有筋既口感 醬汁 夠濃 因為酸甜開胃 好啱做第一道菜👍🏻
🍴蠔仔烙 78 蚊 🔥
潮洲特色烙 同蠔餅唔同 佢比較扁身同薄身 口感比較多膠質 打成 上網search應該係地瓜粉整成 夠哂煙靭 再加上蠔仔 同煎蛋 夠鑊氣 🔥
🍴滷水拼盤 148 蚊 細 😆
滷水拼盤材料豐富 有入味鵝掌 同 鵝肉 爽口既豬耳同肥味豬腩肉 🐷 軟滑既豆腐 仲有香濃既紮肉 落足料 而且滷水汁咸度適中 好正😆
🍴潮式凍烏頭 88 蚊🐟
烏頭要有好好既脂肪量 夠肥味先會有黃油 😈 呢個烏頭黃油都唔少 以88 蚊黎講真係好抵食 點埋豆板醬更有風味👍🏻
🍴沙茶炒牛肉 68 蚊🐂
用左好爽口既葱花芽菜做底🌿 牛肉係用滑牛整 所以juicy同有軟滑口感 不得不提個沙茶醬多又香濃 牛肉同芽菜吸哂d汁真係好正😈,
🍴手打牛丸 45 蚊🐂
用牛湯浸住既牛丸 牛丸一咬落去比較煙靭 而入要好爽口 juicy有d牛肥油流出 好味 夠香濃🐮
🍴手打墨魚丸 42 蚊🦑
用魚湯浸住既墨魚丸 湯底好正充滿墨魚味 仲有菜 葱花 炸菜調味 飲啖湯再配以彈牙煙靭既手打新鮮墨丸 好味 😍
🍴五仁豆腐 68 蚊😆
用左花生碎之類既堅果做成粉 鋪喺豆腐上面 令豆腐帶野甜香 豆腐出面炸到有層薄脆 一咬開熱辣辣 入面既豆腐肉好香滑 聽經理講係用左 五種豆一齊整 唔貴得之豆味甘香 yummy 😄
🍴春菜蝦米炆腩肉 78 蚊🐷
用左潮州既一種春菜整成既菜式 用湯汁浸住 入面充滿住春菜 同腩肉 腩肉肥味😈 吸左春菜 嗰種特有既菜香 而春菜口感有d似菜心 但菜味更濃 想試潮洲特色呢味必試😄
🍡水晶粿8 個 26 蚊
呢碟係4 個， 2 個係 南瓜芋泥粿 2 個係 鼠穀綠豆粿 前者比較新款 南瓜皮比較香甜 入面芋泥口感勁d同味甜d 🍠 而後者係比較傳統 用左叫鼠穀既植物整成出面黑色既皮 口感沙沙 有d似芝麻 入面既綠豆蓉都整得好有口感 味道偏淡 夠特別值得試下👍🏻😄
🍡綠豆爽 22 蚊
好耐冇食過甘香濃既綠豆爽 剝哂殼既綠豆 充滿住整碗綠茶爽 綠豆味香味 同有口感 糖水好黏稠 證明落足料密度夠高 當飯後甜品夠哂滿足👍🏻😄
Score 平均分 <8/10>
Taste 味道：👍🏻👍🏻👍🏻👍🏻
Present 外觀：👍🏻👍🏻👍🏻
Decor&Hygiene 環境衞生：👍🏻👍🏻👍🏻
Value for $ 性價比：👍🏻👍🏻👍🏻👍🏻
Service 服務：👍🏻👍🏻👍🏻👍🏻
~~~~~~~~~~~~~
#潮膳
灣仔軒尼斯道338 號 北海中心地下c號鋪
~~~~~~~~~~~~
張貼
