丸亀製麵 (淘大商場) (已結業)

今日同大學朋友去淘大睇戲，睇戲之前，去左搵野食先。 對於搵食方面，一向冇搵資料做功課既習慣。多數都係女朋友話哂事😆 今晚兩個男人出街食，最後都係戲院附近食烏冬。 發現其實每次同依個朋友出街，都係去依間「丸龜製麵」 快靚正，唔駛煩。鍾意佢自助形式， 每次黎都係食依個明太子烏冬配吉列魚柳鍾意明太子既天然咸香，混和彈牙既烏冬好正！ 仲有溫泉蛋！加哂分！仲有吉列魚柳，炸粉又唔會好厚大大塊$15，都幾抵仲可以自行加蔥花等配料咁又一餐！幾滿足