Hong Kong Daily (已結業)

在太古城中心想快快食個早餐跟著去做野, 喺food court 'Treats' 有間Hong Kong Daily係ㄧ個不錯既選擇。Treats裏面有幾間提供不同食物種類既食肆, 但只有3間在早餐時段營業。Hong Kong Daily係其中一間, 賣港式茶餐廳食品。早餐套餐全部包ㄧ杯熱飲(凍飲+$3)。雖然早餐選擇不多, 但食物即叫即做。今日點咗雪菜肉絲米粉, 套餐有炒滑蛋+鮮奶厚多士配熱咖啡。我唔係第一次黎食, 呢間食肆既炒滑蛋好食; 不過, 我今日想食反熟蛋。點餐係自助形式, 雖然餐牌寫炒滑蛋, 但俾單時同店員講, 話要反熟蛋就可以。雪菜肉絲米粉大大碗, 胃口大既人都㑹滿足。不得不提鮮奶厚多士, 一口咬落去已嘗到奶香, 㚈脆内綿, 唔洗加牛油已經好好味。咖啡亦香濃。整體來説, 呢份早餐超值。