一心素食 (已結業)

聖誕佳節忽然想食素就選了離家不遠的一心素食。本著試下無防的心情行入店內，店員殷勤的招待，簡潔的裝修，與店外不太顯眼的招牌有差別。坐下來熱茶已準備好，茶香撲鼻。我點了店員推介的薑汁豆苗，牛蒡水鮫雜菜鍋，一心特式素羊腩鍋，仲有店員說剛煲好的桃膠雪耳紅棗糖水。單價超過$200仲可用$1優惠選購小食一款，我就揀了一直都想試的芝士焗大啡菇，真係好好味，想食多兩隻其實食素都有好多款式揀，一點都唔dry。其實仲想試芋頭魚，但實在太飽。