影片
更多
2020-07-04
1019 瀏覽
餐廳係葵涌廣場行過去幾分鐘就到, 非常方便。晚飯時間一直都有人等位, 但勝在街坊生意大家食飽休息夠自然會走, 唔使等太耐。生蝦刺身, 冰涼爽口, 好味😍串燒唔會燒到過硬, 個醬亦唔會太重口味。泰式金邊粉, 蝦大大隻, 味道正常好食。重頭戲: 蟹肉咖哩麵包其實見到佢招牌咖哩蟹足一斤都係一百五十蚊已經好想叫, 但奈何人比較懶要係街食有骨食物, 所以睇中呢個麵包。好貼心唔會倒晒個汁浸個包, 個包焗到脆晒。咖哩亦有蟹肉鮮味, 雖然搵肉就搵唔到架啦, 但個汁好味到可以加多碗飯食架。服務係零, 因為樓面就得1個半人到, 但叔叔同弟弟都好親切有禮。價錢真係用係食物本身上, 抵食好食!
張貼
