莉苑 (德輔道西) (已結業)

$20 做到咩? 唔好話食得飽, 可能只係買到個好少少既包!! 今時今日真係做唔到好多野, 但居然可以喺石塘咀食到個早餐😋 $18起 一個早餐, 款式多, 而且飽肚! 真係好耐無食過混醬腸粉, 一見到忍唔住一定要食! 自己落醬, 多甜多麻多辣多芝麻! 🤣🤣 腸粉不過不失, 唔算又薄又滑, 但都唔差! 另加鍋貼兩隻, 雖然皮厚左啲, 但內裡肉汁 juicy, 味道唔錯, 加上煎到脆底, 口感唔錯!總括價錢絕對取勝, 當然味道都唔差, 可以經常幫襯!