燒洒一族 (啟田商場) (已結業)

屋企平時食飯有時諗唔到煮咩餸，就會去斬料。今次試吓呢間位於藍田街市既西式燒味。食物款式都幾多，除咗斬料，仲有燒味飯同埋酒醉系列，價錢都幾親民。香甜蜜味燒雞髀雞髀大大隻，店員可以幫忙切件，色澤好靚，雞肉肉質幾滑，食到甜甜地既蜜汁， 都幾入味。黑糖烤豬頸肉烤得好靚，帶有油光，豬頸肉爽滑彈牙，外皮帶少少焦香，仲食到淡淡嘅黑糖甜味，唔錯。自家製燒腩仔份量都幾多，每件都斬得厚薄適中，肉質夠腍，外皮香脆，味道夠晒鹹香，送飯一流。蜜糖黑椒煙鴨胸鴨胸厚厚一塊，肉質軟嫩，鴨胸外皮爽彈唔油膩，甜甜地配上黑椒少少辣，幾惹味。傳統烤德式香腸香腸大大條，腸衣脆口，肉質結實，啖啖肉， 肉味香濃。