財記粥麵

營業中

休息中

之前喺柴灣住左10幾年都唔知有呢間麵店，有一日朋友介紹就嚟咗呢度食啦，五餸撈麵只係$38。因為我食得比較清淡，所以我覺得有啲濃味，下次食要叫佢少汁。五個餸裏面我覺得齋卜最好味，淋得嚟又入味，必叫。豬皮我覺得有啲薄同埋唔夠淋，口感爭啲。星期日12點幾已經冇螺肉，聽到阿姐話白粥11點已經賣晒，而且星期日收1:30所以嚟食嘅話要早啲。平日佢哋收2:30。買外賣嘅話就排隊，糖食嘅話坐低叫阿姐落單就得㗎啦。由於人經常多要俾啲耐性，我叫粗麵仲要等耐啲因為要烚耐啲。阿姐好搞笑，比我之前話「粗麵等咗好耐啦」。