顯徑車仔麵 (已結業)

今日放左工忽然興起去左顯田游泳池游水，游水前就諗住食少少野先。我自細喺顯徑大，所以都好熟呢頭有咩好食，所以我二話不說就過黎食呢間由細食到大既車仔麵，質素仍然出色。叫左個3餸米粉，分別係牛腩，豬腸，蘿蔔，加杯豆漿。先講個豆漿，滑得黎少少甜，有一陣陣既豆香味，真係有少少飲到停唔到。牛腩好淋好入味，份量又夠，好重牛味好好味。豬腸首先一睇就知道佢地洗得好乾淨，食落無渣，好爽口好正！本人最中意食既車仔麵餸就係蘿蔔，成日覺得係得車仔麵鋪煮既蘿蔔先可以煲得咁入味咁軟身，加埋d腩汁辣椒一齊食實在太美味喇。顯徑車仔麵絕對係平靚正之選