B哥車仔麵 (已結業)

今日嚟到中海日昇中心呢度食lunch， 見到有間B哥車仔麵，價錢好實惠， 於是就入咗去食啦。呢度三餸一麵都只係39蚊， 另外仲有細B套餐同埋大B套餐(唔使揀廚師幫你斬)。 另外如果女仔比較細食仲可以揀淨係四餸。 而且全部都包飲品， 真係幾抵食。我哋一行4人，分別揀咗1個大B套餐 同埋3份四餸淨食，再加個咖哩尤魚和墨魚餅大家share。由于叫咗3份4餸餐，所以我地食咗好多嘢，墨魚丸、腩肉、蘿蔔、 滷水蛋、雞翼、雞翼尖、粉腸、豬紅、豬皮、魚皮餃、冬菇、魚丸，都俾我地叫晒。各樣質數都唔錯，當中蘿蔔夠淋夠甜，墨魚丸和魚丸亦夠彈牙，啱晒我嘅口味，而且仲有飲品送，呢個lunch真係夠晒滿足。