白鬍子炸魚薯條

營業中

休息中

放咗工有時想喺中環搵杯嘢飲坐下輕鬆下，可惜荷包唔爭氣，最多一杯起兩杯止。呢間餐廳卻係濁世中嘅清泉，價錢實惠不在話下，伴酒美食都非常精彩。fish and chips 真係一食上癮：份量夠、外脆內軟、肉質鮮甜豐厚（最怕果種魚生份量但落勁多粉炸出來嘅所謂炸魚）、啲肉唔會「散收收」，伴菜薯條炸到啱啱火路、香脆、絕唔油膩、咬落有質感，掂！其他炸物都好多選擇，花多眼亂叫個併盤，樣樣試吓都好滿足。店舖雖然座位唔多，但唔會覺得焗促，靜靜地同朋友愛人坐成晚傾下計食下野絕對一流。