北口韓國地道小食 (已結業)

間中都會黎尖沙咀呢間韓式快餐小店，價錢合理，食物質素又唔錯，而且每款份量少少，一次過可以試多幾樣。今次同朋友一齊點咗四樣野食。韓式涼拌粉絲雜菜絲爽脆清甜，配上彈滑粉絲，口感一流。個汁酸酸甜甜辣辣，好fresh 好開胃。烤排骨飯烤排骨好入味又香口，加埋泡菜同飯一齊食仲正。烤豬腩肉串呢個就有點失望，燒得太乾，變咗豬肉乾。韓式年糕串呢個好有趣，燒得外脆內煙韌。總體來說，想平靚正快食下韓國野，呢度都係一個唔錯嘅選擇。