漢拏山烤肉 (已結業)

賣相好緊要，之前响OPENRICE見到大部份人都叫韓牛牛胸肉餐，個3層架不知幾咁high幾吸引，呢d堂煌氣派只會响高檔下午茶出現，無去high過tea既我同老公都被3層架吸引住，最重要一點係價錢夠親民，二人套餐價錢由$3XX起，真係無唔去試既理由囉。當日中午嘗試電話訂位，好彩兩位唔難訂，安排近門口既梳化位，幾寛敝坐得舒服，抽風好一d油煙都無，一坐底即刻睇下餐牌，有幾款套餐，好啱二人行超貼心，對於兩個人嚟講都可以試到唔同既食物，再細問之下，原來所有套餐都係用三層架上，fashion到不得了!今次試咗一個豬肉餐 ($358)，就係貪佢有厚切五花腩同梅花肉。套餐未嚟之前，店員會响爐邊加<<無限追加>>既雞蛋泡菜同芝士粟米 (兩款都係我哋至愛)，仲有送上勁豐富既前菜，老實講前菜係好味既，但如果食晒會飽咗1/4。套餐等咗幾分鐘就嚟，一嚟到真係睇到我哋木定口呆呀，估唔到份量咁大喎！＊　厚切黑毛五花腩120g ~ 細心既服務即見，店員會負責幫客人燒五花腩，因為厚切比較有難度，而且佢哋經驗話比我哋知，要點燒同燒幾耐，一路講解一路燒，其實五花腩無乜味，係全靠特式辣醬帶出個