得閒飲茶

營業中

休息中

嘿！得閒飲茶啦～呢間平靚正嘅點心店岩晒。食物性價比高，平靚正。餐廳只收$4茶錢，晤收加一服務費，非常實惠。好多野選擇，點心都係即叫即蒸, 熱辣辣！春風得意腸，餡料豐富，有蝦膠，栗米和蟹籽，薄薄的腸粉包著油炸鬼，新鮮滾熱辣。黑松露鮮蝦餃 ，聽講佢哋嘅蝦餃係攞獎架！呢隻系另一款黑松露蝦餃，蝦餃皮好薄，餡好多，蝦肉彈牙新鮮 ，仲有好強烈嘅黑松露味，正 ！家鄉蒸蘿蔔糕，蘿蔔糕非常足料，蝦米香口突出，蘿蔔粒切得大大塊好有滋味。野菌素粉粿，粉皮晶瑩剔透，外相吸引，野菌餡健康有營養，口感豐富。蒜香蝦春卷，多種蔬菜餡同大大粒蝦肉，外脆內軟，好夾。黃金糕煙韌Q彈，不會太甜，好岩想食甜品又唔食得太甜既人。