影片
更多
2020-10-11
836 瀏覽
好多時候朝早都想飲茶食點心，但又無咁多時間去慢慢飲茶，點心專門店就真係一個幾好既選擇！呢間點心專門店開係石門店出面，一出去就係，位置真係超方便。門面干淨，入面既店面唔大但都幾企理。茶水好快上，點心紙好直接就有哂常見既點心類，腸粉，包點蒸點都有，基本上都係平時最常見茶樓講得出既點心名。蒸飯，孖寶都有，好適合一個人一盅兩件過點心癮。落完單啲點心都好快上，首先黎左我最鐘意既千層糕。香噴噴，特別在於佢既千層糕有唔少馬蹄同奶皇撈左入去，令到個糕係唔止千層糕既鬆軟，仲有馬蹄嘅清甜同奶皇紋既奶香。佢呢幾樣口感上都幾配合而且唔會話太甜，而且令到嗰個口感好豐富。但係如果有啲人係淨係鍾意食千層糕嗰份鬆軟，咁可能呢一個就唔係好啱佢哋食。第二碟我叫咗嘅係呢度招牌嘅金銀蒜帶子餃。帶子嘅份量係我預算之內嘅，新鮮度亦都係可以，金銀蒜同粉絲對帶子餃來講係一樣襯托，因為帶子個餡同個皮都薄，但係剩係得呢兩樣嘅話就有啲單寡。以金銀蒜粉絲帶嚟嘅惹味可以同帶子既鮮甜一齊中和一下，我覺得呢一個點心都值得推介嘅。之後係我個人來講最鍾意食嘅棉花雞，佢係有鮑片同螺片喺裏面既，呢兩樣同棉花雞件嘅配合點都唔會差。但係可以嘗試注意下保溫因為
呢間點心專門店開係石門店出面，一出去就係，位置真係超方便。
門面干淨，入面既店面唔大但都幾企理。茶水好快上，點心紙好直接就有哂常見既點心類，腸粉，包點蒸點都有，基本上都係平時最常見茶樓講得出既點心名。蒸飯，孖寶都有，好適合一個人一盅兩件過點心癮。
落完單啲點心都好快上，首先黎左我最鐘意既千層糕。香噴噴，特別在於佢既千層糕有唔少馬蹄同奶皇撈左入去，令到個糕係唔止千層糕既鬆軟，仲有馬蹄嘅清甜同奶皇紋既奶香。佢呢幾樣口感上都幾配合而且唔會話太甜，而且令到嗰個口感好豐富。但係如果有啲人係淨係鍾意食千層糕嗰份鬆軟，咁可能呢一個就唔係好啱佢哋食。
第二碟我叫咗嘅係呢度招牌嘅金銀蒜帶子餃。帶子嘅份量係我預算之內嘅，新鮮度亦都係可以，金銀蒜同粉絲對帶子餃來講係一樣襯托，因為帶子個餡同個皮都薄，但係剩係得呢兩樣嘅話就有啲單寡。
以金銀蒜粉絲帶嚟嘅惹味可以同帶子既鮮甜一齊中和一下，我覺得呢一個點心都值得推介嘅。
之後係我個人來講最鍾意食嘅棉花雞，佢係有鮑片同螺片喺裏面既，呢兩樣同棉花雞件嘅配合點都唔會差。但係可以嘗試注意下保溫因為有時有啲螺片送到上枱已經係半溫狀況咁，食落都影響咗個口感同個味道。
總括嚟講呢間舖頭上菜快又有得俾你體驗自己洗碗嗰種好似去飲茶嘅感覺，但係又唔會好似飲茶咁要用好多嘅時間。而且呢一樣野好適合一個兩個人去過下時間醫下肚。呢度嘅點心亦都唔係同一般酒樓常見嘅點心咁照抄出黎，佢都係會有少少自己嘅改變同埋自己嘅特色，所以可以一試。
張貼
