良記新加坡去骨海南雞專門店

營業中

休息中

每一次想食海南雞必定諗起ssp良記，大大話話都幫襯咗下十次，初頭要去骨，後來成隻買自己返去起骨。今日星期日唔想煮就去良記外買隻海南雞返去起肉。🎆去骨海南雞$148兩点幾鐘行上去西九龍中心8樓order咗著外賣chicken, 老闆娘都幾nice，執多幾套雞壳俾我返去煲湯用，有時會送雞腳。隻雞皮光肉嫩，成隻買，冇得偷雞，起完肉去埋骨，成隻舖番好，presentation 超正，隻雞浸得啱啱好，剛剛熟，雞肉不見血水，雞皮位皮下脂肪多，近脾位可連皮食用，淋滑有雞味，連雞胸也不"鞋"，点埋海南雞醬，就更好味😋😋😋，煮條菜，足四人享用。