影片
更多
2008-05-23
9 瀏覽
識得去呢間店,有兩個原因:1. 女朋友介紹2. 近教會呢間小店差唔多一個星期都會去一次,甚至女朋友有時要專登走去食。講真,唔係全部野都好好食,特別係麵類,好多都好清淡下。但,入得黎,請一定要試呢到既擔擔麵~!好好食~~加埋o的麵質都唔錯~~我次次去都一定食呢碗,唔駛諗(我見大多數人都係)。另外,我會推介呢到既包~$3件~~好抵食~~不過,好唔好食就要睇你可唔可以咁岩等到佢新鮮整起~唔新鮮的確唔太好食,但新鮮時真係非常咁讚~~食日叫左個鍋貼,冇諗過今次竟然咁新鮮...整到成件shirt都係汁...-___-....狼狽得很....呢到既牛肉包同鍋貼都好好食的~最後,會有o的小食,好似豆腐呀,牛腩呀咁,大多數$4碟,有o的$6,牛腩呢類就好似$12。不過個人認為呢到o的牛腩同魚蛋都唔得,牛腩好"UN",魚蛋就係水煮的...即係好淡...不過我每次黎都會叫一碟豆腐($4),呢度o的豆腐係絕對唔滑的,係卥水豆腐來的,個人認為幾有豆腐味(雖然女朋友話普通)~最好,可以加個豆漿(不過最近好似差左少少,唔知點解)。如果你兩個人,其實我會suggest你買一支($6)。因為一杯都$3,但一支係大好多的
1. 女朋友介紹
2. 近教會
呢間小店差唔多一個星期都會去一次,甚至女朋友有時要專登走去食。
講真,唔係全部野都好好食,特別係麵類,好多都好清淡下。
但,入得黎,請一定要試呢到既擔擔麵~!好好食~~加埋o的麵質都唔錯~~我次次去都一定食呢碗,唔駛諗(我見大多數人都係)。
另外,我會推介呢到既包~$3件~~好抵食~~不過,好唔好食就要睇你可唔可以咁岩等到佢新鮮整起~唔新鮮的確唔太好食,但新鮮時真係非常咁讚~~食日叫左個鍋貼,冇諗過今次竟然咁新鮮...整到成件shirt都係汁...-___-....狼狽得很....
呢到既牛肉包同鍋貼都好好食的~
最後,會有o的小食,好似豆腐呀,牛腩呀咁,大多數$4碟,有o的$6,牛腩呢類就好似$12。不過個人認為呢到o的牛腩同魚蛋都唔得,牛腩好"UN",魚蛋就係水煮的...即係好淡...
不過我每次黎都會叫一碟豆腐($4),呢度o的豆腐係絕對唔滑的,係卥水豆腐來的,個人認為幾有豆腐味(雖然女朋友話普通)~
最好,可以加個豆漿(不過最近好似差左少少,唔知點解)。如果你兩個人,其實我會suggest你買一支($6)。因為一杯都$3,但一支係大好多的。豆漿只係見佢抵同埋個味都幾好,請不要抱有甚麼奢求。
不過請注意。如果你係講究環境的,此餐廳絕對欠奉。
餐廳衛生,請不要有任何要求,但最少我未見過老鼠蟑螂。
好多時你會見到o的洗完既碗呀,杯呀,會就咁放o係客人枱(就算有人坐緊都係咁話)。
亦有時甚至個伙記會突然坐o係你隔離(一時時啦)。
不過,呢類店係賣人情味的,所以要先調整自己既心態。
張貼