宮葉 パフェ (已結業)

之前行過兩次仲裝修緊，今日再經過已經開張，原來係日本拉麵甜品店， 見到d芭菲相影得真係好靚，就同姐妹們入左去試一試。一碗拉麵大約$50幾蚊，份量都可以，d麵好彈牙，但係隻溫泉蛋如果d味可以再濃d會更好，$50都有呢個水準算係好抵食。 值得一讚係我叫左一份雜果乳酪芭菲， 份量好大， 而且d生果足料，對於鍾意食甜品的我以後一定會黎多次食雲佢整體裝修，服務，價錢都唔錯， 我會推薦拍下拖，又或者同姊妹吹下水，打咭影張靚相兩個人二百蚊有找。