新星海鮮酒家 (已結業)

我成日覺得，寫字樓區嘅食市其實都唔使點愁無人幫襯。成日都認為唔使好食，只要唔好難食就實有人幫襯。荔枝角有好幾間酒樓，但講到抵食夾大件，我就一定諗起新星。價錢平，而且味道都ok。一坐低就有個姐姐行黎sell蜜汁叉燒餐包。我當然話要！因為係我嘅至愛😍而家都無咩邊間酒樓有得食。外面沾了點蜜糖，內裡嘅叉燒又著著甜甜嘅味道。真係好好味！佢地嘅優惠套餐都超抵食。$178就有3款點心，一碟炒飯或麵，小食一個，菜一碟。你話係咪抵到飛起~我地揀左燒賣,鮮竹卷，咸水角，鹹魚雞絲炒飯，青瓜海蜇，金銀蛋 菜苗。重點係咁嘅價錢食到咁多野，而且味道又不錯，真係好好👍🏻希望佢地做得住。。。因我而家先發現全香港得返荔枝角呢間。