丸亀製麵 (悅來坊)

營業中

休息中

又到星期五覓食日子，今次同老公加埋我妹去行下悅來，本身想食定食8，但因為佢得50分鐘食，怕太趕所以最後都係決定食第二d,行下行下見到丸龜製麵，就不如食個烏冬啦。可能係因為本身悅來嘅舖位係比較細，所以檯大約得10張左右，唔知係咪我去到時7點幾仲算早，唔洗等位入面已經有好幾張吉檯。老公叫左個牛肉麻醬拌烏冬（大），老公話都幾好食，仲有d牛蒡係入面，但個麻醬就唔係平時個d芝麻醬，我老公話食唔出有芝麻味，牛肉就比較少同碎。我妹就叫左個熱醬油烏冬（細），我妹最鍾意呢個，好香醬油味，但又唔會太咸，唔錯唔錯。我就次次都會食呢個冷烏冬，好彈牙，個烏冬醬汁又好味，加wasabi落去點黎食就一流。炸芝麻雞柳（左上）：雞肉夠滑，但面嘅炸粉已經淋左，不過好在唔會好厚粉。炸魚塊：夠脆，不過魚肉有少少腥。炸魷魚鬚：炸粉好薄，唔錯，只係咸左少少。蕃薯天婦羅：好甜！南瓜天婦羅：已經凍左，得以個皮同南瓜已經分開左了。我地仲叫左三罐汽水。整體黎講真係算平，咁多野都只係170蚊，每樣炸物都只係十幾蚊。仲有蔥粒同天婦羅粒任拎，加落去冷面醬汁一齊食簡直係一流！