食得樂小廚餐廳 (已結業)

今日呢長沙灣做嘢，再一次嚟到呢間茶餐廳食午飯。真係覺得有啲出奇喎，據我上次嘅經驗，呢間茶餐廳啲嘢食都唔錯呀，坐嘅環境又舒服，但係唔知點解好少人喎，所以就算係我晏晝食飯時間去，都唔使等位就有卡位坐喇。午餐一d都唔貴喎，其實可以講話係平添，$30就有喇。蠔仔湯飯 三十蚊，碗飯都幾大碗，好多蠔仔！ 加埋芫茜同肉碎，成碗飯嘅口感都非常好，湯亦都夠清甜！其實以食物質素同埋價錢兼夾坐嘅環境又舒服，下次黎開長沙灣我都會食番佢。