影片
更多
2019-03-29
527 瀏覽
以前土瓜灣好多酒樓，而家都執咗唔少，反而多咗點心專門店，成日一個人食晏嘅我都幫襯過幾間，最喜歡就係嘉豐。環境來講算係舊式點心店，佢設計有啲奇怪，門口位只有一兩台，穿過窄走廊就見到大大嘅地方，有玻璃窗總算開陽。我真係好鍾意食鳳爪，佢地嘅鳳爪實在太肥美份量又多，好食到連伴襯嘅花生都食哂。魚肚雞扎好大舊雞，裏邊有蟹柳同大嚿芋頭，好入味。鮮蝦豆苗餃都好食，但可能我最後先食，嗰啲皮黐住啲紙一夾起就爛。全部點心即叫即蒸，大約都係十幾廿幾蚊，而茶錢只係$4，茶葉多唔吝嗇，好過之前幫襯一間$3茶錢，水一樣嘅質素。一個人食咗三籠點心估唔到好飽😝😋
環境來講算係舊式點心店，佢設計有啲奇怪，門口位只有一兩台，穿過窄走廊就見到大大嘅地方，有玻璃窗總算開陽。
我真係好鍾意食鳳爪，佢地嘅鳳爪實在太肥美份量又多，好食到連伴襯嘅花生都食哂。
魚肚雞扎好大舊雞，裏邊有蟹柳同大嚿芋頭，好入味。鮮蝦豆苗餃都好食，但可能我最後先食，嗰啲皮黐住啲紙一夾起就爛。全部點心即叫即蒸，大約都係十幾廿幾蚊，而茶錢只係$4，茶葉多唔吝嗇，好過之前幫襯一間$3茶錢，水一樣嘅質素。
一個人食咗三籠點心估唔到好飽😝😋
張貼
