忠記粥品 (立興大廈)

營業中

休息中

諗住行山前食個早餐落車見到附近哩間粥鋪唔少人幫襯都幾多打工仔買外賣做早餐諗番其實都真係有七八年無食過粥鋪堂食真係好間唔時同事/屋企人買外賣先痴一兩啖今日天氣又凍凍地 一於揀碗粥黎暖肚——————————-魚片碎牛粥（$23）熱辣辣 大大碗 材料都幾多粥底本身幾算濃味綿滑幾鐘意哩個稠度廿蚊哩個份量真係好抵食————————小插曲食到一半個時撈到啲碎牛仲係紅紅到原來係未攪勻哂我都未反應得切收銀個個男人行過已經話「未熟呀 」「攪下佢呀嘛 」「幫你加啲粥啦」就拎左個碗去叫人加番啲熱粥覺得好溫馨反而係比加粥個個呀姐串左句「識唔識食粥嫁」番到屋企同兩老講番都比佢地笑