影片
更多
2022-10-07
24 瀏覽
一直都好中意飲茶歎一盅兩件，但奈何平日要返工，放假又冇辦法早起都好少飲到茶。今次搵到間晚市仲有點心叫既茶居，環境光猛闊落，唔似平時酒樓坐得咁逼，晚市仲有唔少小菜可以揀添！✨胡椒豬肚湯一開蓋就聞到好香，胡椒味夠出，少少辣，啱晒暖胃，雖然係例牌，都有成4、5碗湯。而且入面除左咸菜同豬肚之外，仲有雞件架！小菜套餐仲跟一個飯同綠豆沙，非常抵食！✨瑤柱鮮蝦菜苗餃個皮夠薄，非常煙韌，而且即叫即蒸個皮唔會話比倒汗水搞到霉哂。個餡有大大隻鮮蝦，仲食到粒粒瑤柱肉，配埋豆苗唔會膩～✨蘿蔔絲酥越嚟越少地方有得食啦，見到即刻叫！蘿蔔絲酥炸得非常鬆脆，又唔會食落成口油，入面晚蘿蔔勁甜，而且口感柔軟多汁，同外面既酥皮有好強烈既對比，超級好食！✨煎釀茄子估唔到有成5舊～茄子勁厚切，煎到外層卜卜脆，但一咬落去又爆哂汁，釀肉份量都多，加埋醬汁好惹味啊！
一直都好中意飲茶歎一盅兩件，但奈何平日要返工，放假又冇辦法早起都好少飲到茶。今次搵到間晚市仲有點心叫既茶居，環境光猛闊落，唔似平時酒樓坐得咁逼，晚市仲有唔少小菜可以揀添！
✨胡椒豬肚湯
一開蓋就聞到好香，胡椒味夠出，少少辣，啱晒暖胃，雖然係例牌，都有成4、5碗湯。而且入面除左咸菜同豬肚之外，仲有雞件架！小菜套餐仲跟一個飯同綠豆沙，非常抵食！
✨瑤柱鮮蝦菜苗餃
個皮夠薄，非常煙韌，而且即叫即蒸個皮唔會話比倒汗水搞到霉哂。個餡有大大隻鮮蝦，仲食到粒粒瑤柱肉，配埋豆苗唔會膩～
✨蘿蔔絲酥
越嚟越少地方有得食啦，見到即刻叫！蘿蔔絲酥炸得非常鬆脆，又唔會食落成口油，入面晚蘿蔔勁甜，而且口感柔軟多汁，同外面既酥皮有好強烈既對比，超級好食！
✨煎釀茄子
估唔到有成5舊～茄子勁厚切，煎到外層卜卜脆，但一咬落去又爆哂汁，釀肉份量都多，加埋醬汁好惹味啊！
胡椒豬肚湯
2 瀏覽
0 讚好
0 留言
煎釀茄子
3 瀏覽
0 讚好
0 留言
瑤柱鮮蝦菜苗餃
3 瀏覽
0 讚好
0 留言
蘿蔔絲酥
1 瀏覽
0 讚好
0 留言
張貼
