添添廚房

營業中

休息中

今日又係OT 夜，放工坐車返屋企都好累了，一於去堪稱飯堂嘅添添廚房買個飯返屋企食。大大盒3餸飯，真係平靚正之選。甜酸生炒骨排骨夠薄粉，炸起嚟仲食到厚肉嘅排骨，甜酸調味適中，夠開胃。食落清爽唔油膩，加埋最重要嘅大量菠蘿。西蘭花炒肉片西蘭花嚿嚿都爽脆鮮綠，雖然係三餸飯但都唔會淋哂又散開得返啲莖，姐姐都夾得好慷慨，肉片同菜嘅比例都好好。招牌黑醋骨黑醋十分之香，唔會淨係得個甜字，而且比生炒骨又係另一種酸甜，味道嘅餘韻更加強烈，肉質有咬口又有口感，大件夾抵食。