趣意廚 (順景華庭)

營業中

休息中

黎開長沙灣呢頭又想食pizza, 本身諗住食pizza hut,但來到發現隔離呢間都係食pizza,咁梗係試下啦。 呢度環境走較型格年青既路線, 都算特別。 我哋叫咗個豪華二人餐,包一份沙律, 一份小食,一個6吋pizza,一個飯,有餐湯同飲品,都非常豐富。 個海鮮飯好足料, d材料舖滿成個面,啖啖都食到餸。 凱撒沙律d菜都ok,味道唔錯, 🐔方面要咗炸雞同烤雞,2款都唔會過油,炸粉唔算厚,食落味道都算幾好。 到主菜pizza, 6吋pizza 大概係1人份量,個批底都鬆脆, 芝士好多,加埋吞拿魚波蘿等食落好滋味。 其實佢d份量幾好, 2人餐樣樣都唔會太多但又夠食,等你唔駛食到滯! 餐湯方面不過不失啦。