新巴黎越南餐廳 (已結業)

兩個人又要係mk搵野食，有時都真係搵到唔知食咩好，經過見到呢間越南野，其實平日成日經過，但都無咩諗過入去食。見到佢D下午茶好似好平咁，就入左去試下啦。佢有分下午茶同埋午餐，你係下午茶時段叫午餐都可以，貴少少，不過我諗會大碟d。我地兩個人都係叫下午茶餐算啦，叫左一個烤牛肉湯檬同埋一個越式炒貴刁。下午茶餐跟一杯餐茶。烤牛肉湯檬話咁快就黎到，其實無咩特別，唔難食亦唔係特別好食。佢D牛肉全部都好細塊好散，不過味口唔錯，唔會話好肥，但其實唔係好食得出佢烤過，哈哈。檬粉份量算多，湯底唔係好濃但亦算夠味，也是可以一吃的。另外就是越式炒貴刁，這個實在是多油得非常恐怖! 總之你就會見到大堆油係個碟底!!! 不過其實味道是可以的，非常惹味，少少辣辣地咁。有好多蛋絲同扎肉絲，如果唔係佢個堆油其實我係覺得幾好食的。埋單 $44，一D都唔貴，食物可以! 想普通平平地食個下午茶的話是可以來的。