一燒窰 (已結業)

今天放工和同事去左女人街行下，吾經吾覺行左2個幾鐘，又餓又攰，同事提議去食串燒，佢知附近有一間叫一燒窰，食物吾錯而且價錢便宜，我們就决定去食返餐。我們選了2個定食和一些小食和串燒。定食配有前菜和麵豉湯，飲品還可半價。原條鰻魚定食：大大條鰻魚幾乎大過隻碟，放在飯面上，再加上燒汁，十分惹味！吉列豬扒定食：厚切豬扒外脆內嫩，而且好大塊，飯加了燒汁，十分美味！西洋菜蜜：近日有點乾燥，叫杯西洋菜蜜潤一潤。雙莓奶shake：草莓和藍莓的奶昔，不會太甜。 芝心玉子燒：玉子厚身好滑溜，記得中間有芝士，不要放太耐，要熱食啊！汁燒魷魚：熟度燒得岩岩好，醬汁美味，有口感但不會靭。芝麻雞翼:外層酥脆，肉質軟嫩，加了芝麻更香口。燒帆立貝:粒粒飽滿的帆立貝燒至金黃色，加上燒汁，好好味！