梨滿園韓國料理 (已結業)

今日老公喺樂富做完野,等佢放工,就喺樂富商場搵下有乜好食,見到有間梨滿園韓國料理,我地都好耐無食過韓燒,就決定食呢間啦😄餐廳主打韓燒,任食燒烤放題每位188, 選擇都幾多,除左唔同種類嘅肉類,海鮮、飯、麵、湯、小食、雪糕同飲品，日式壽司同刺身都有,我地點咗兩份放題😄侍應姐姐先送上四款前菜，開開胃先☺️,牛肉係最愛,五款牛肉中,各有唔同嘅口感,牛肩肉煙靱爽口,頂級肥牛同牛仔骨都夠腍，牛仔骨醃得好好食😋海鮮都夠新鮮，大蝦同青口好大隻，大蝦有手掌咁大,大蝦肉質鮮甜爽口，帶子煎半熟，夠嫩滑😋黑豚腩肉肉質爽，夠咬口，可以包生菜一齊食，又唔太膩😋三文魚刺身肥美有油香😋最後，梗係要食埋雪糕啦，有芝麻、綠茶、朱古力同呍呢拿味選擇😋如果唔想食放題，餐廳都有二至六人餐選擇，款式配搭都幾多，我認為價錢都幾抵㗎☺️