鉄火堂 (登打士街) (已結業)

間舖喺油麻地，位置不算偏僻都算易搵，最最最重要係人流唔多無需要等位，walkin入就有得輕鬆食。講下啲食物質素先，魚生飯都算出色，最重要有得自選3/4款，每樣份量都算多，食哂成碗飯都仲有魚生淨！至於魚生嘅質素都不錯，三文魚同炙燒三文魚都係厚切，入口鮮味都重，油脂多入口好化，值得一讚！吞拿魚蓉都好鮮唔腥，撈飯一流！同埋建議大家可以試埋個生蠔，大大隻之餘同樣鮮味好重，入口都幾Creamy，一隻承惠廿幾蚊，都值得一試。總括而言性價比都高，不俗不俗！