東京Kitchen

營業中

休息中

餐廳位於吉之島內地下，進食地方同於係吉之島foodcourt範圍，因此非常多人，所以好少會坐到餐廳前面個幾個位。食物選擇方面，有焗飯、咖喱飯、意粉及日式丼飯等，款式幾多。叫完餐之後等野食等左約15分鐘。今次用膳試左照燒雞飯(HKD49)及焗意式鴛鴦飯(HKD53)，價錢以日式飯黎講合理，再加上比對埋進食地區嘅物價黎講已經好抵下。而份量方面，照燒雞飯份量中等，唔算好多飯，雞就有5-6舊，晚飯都夠飽嘅；焗意式鴛鴦飯都係差唔多。食物質素方面，照燒雞飯煎得幾香，有少少燶，賣相幾靚，不過用鍚紙兜就唔太吸引。焗意式鴛鴦飯重調味左D，醬料亦有D多，不過都算可接受。