影片
更多
2008-04-05
13 瀏覽
** 此食肆的第六個OK **尋日(4-4-2008 Fri)清明節早拜完山,晏晝去醫院探親戚,咁o岩全家人都可以一齊食晚飯,本應想去九龍城南記飯店,點知個個都冇駕車,而且爸又好攰,於是返荃灣o黎潮江春食,爸先行搵位坐低.,我o地大約7:30pm到齊.同大嫂商量食咩,一個八人餐算啦,唔駛諗,點知見有鵝,菇同唔記得乜o野都係爸要戒o既食物,於是放棄散叫,叫o左:6. $78.00瑤柱蛋白少飯呢個係我叫完菜後,後補o既,但反而係第一樣重要係好快到o黎,原本諗住中間或最後到.一打開蓋,臭到好香瑤柱味,大嫂話有好多瑤柱,飯粒有啲係脆口,都唔錯.1. 胡椒豬肚湯因為一直好回味南記飯店o既, 今次都叫o左,侍應幫我o地o係另一張枱分,拎到o黎,好奇怪,佢分唔勻o既,除湯水有啲多有啲少外,就係一碗只有咸酸菜,一碗只有豬肚.咁不如由我o地自己分.食落,豬肚仍有一點點腥且腍o左啲,都唔係太辣,但同南記比就差啲囉.而且又唔係平,唉!2. 腿茸津白淡,同埋好少腿茸.3. 海蜇炒三絲未聽過海蜇可以炒,好奇下揀o既.o黎到,我多手撈吓佢,原來底有芋頭絲,我食落,好普通,且好似食唔到海蜇,到我大哥’照鏡’時問我要
尋日(4-4-2008 Fri)清明節早拜完山,晏晝去醫院探親戚,咁o岩全家人都可以一齊食晚飯,本應想去九龍城南記飯店,點知個個都冇駕車,而且爸又好攰,於是返荃灣o黎潮江春食,爸先行搵位坐低.,我o地大約7:30pm到齊.
同大嫂商量食咩,一個八人餐算啦,唔駛諗,點知見有鵝,菇同唔記得乜o野都係爸要戒o既食物,於是放棄散叫,叫o左:
6. $78.00瑤柱蛋白少飯
呢個係我叫完菜後,後補o既,但反而係第一樣重要係好快到o黎,原本諗住中間或最後到.一打開蓋,臭到好香瑤柱味,大嫂話有好多瑤柱,飯粒有啲係脆口,都唔錯.
1. 胡椒豬肚湯
因為一直好回味南記飯店o既, 今次都叫o左,侍應幫我o地o係另一張枱分,拎到o黎,好奇怪,佢分唔勻o既,除湯水有啲多有啲少外,就係一碗只有咸酸菜,一碗只有豬肚.咁不如由我o地自己分.食落,豬肚仍有一點點腥且腍o左啲,都唔係太辣,但同南記比就差啲囉.而且又唔係平,唉!
2. 腿茸津白
淡,同埋好少腿茸.
3. 海蜇炒三絲
未聽過海蜇可以炒,好奇下揀o既.o黎到,我多手撈吓佢,原來底有芋頭絲,我食落,好普通,且好似食唔到海蜇,到我大哥’照鏡’時問我要唔要,我就專登夾一細條海蜇絲o黎食,冇咩味o既.
5. 沙律醬烤骨
紅紅類似京都骨上唧啲沙律醬,食落,唔….開頭冇咩o既,食完成件就覺得酸o左少少,二哥就話好酸.
4. $1XX.00半蒸煮石斑
我同大嫂o係點菜時問個女經理(原來佢係經理)有幾大條,佢答18兩左右,佢話呢個抵食,消蒸o既都要$2XX.00,而且呢個幫我o地起埋骨,我同大嫂見menu內o既相都幾靚,於是都叫啦.
呢個等o左好耐好耐至到,上到枱,嘩!咁肉酸o既?啲骨係起o左,肉就整成一件件,但睇落好似被蹂躪o左一翻咁,食落,喂!有骨o係內裡面喎,而且啲汁係酸甜o既,根本都唔夾,唉!好唔掂喎.
食完上述o既菜,覺得唔係幾夠咁,於是又同大嫂商量叫咩,我o地睇到蘿蔔糕炒海參,咦?!頭先我o地唔係叫o左o既咩?啊,漏單,於是都叫返呢個,再加一個三杯雞煲.
七. 蘿蔔糕炒海參
又等呀等,女經理走o黎問我o地蘿蔔糕炒海參o黎o左未?我o地答未,重想講佢漏o左單,但佢一支箭咁走o左去廚房跟.一會,終於o黎喇,原來係用煲仔上,都幾香,不過有少少炒燶o左o既味,蘿蔔糕都係,不過口感幾好,幾煙韌.
未食完時,一個傳菜上一煲我唔知咩o既o野,問問佢,佢話蘿蔔糕炒遼參,吓?!又蘿蔔糕炒參?我o地話冇叫過,o黎錯.於是佢拎走.我同大嫂都唔見menu有呢樣.
八. 三杯雞煲
又等好耐,一個女侍應問我o地啲餸o黎齊未?我o地答未,又等好耐,我忍唔住問男侍應跟一跟,佢話佢問吓經理.經理(原來開頭幫我o地寫菜o個個就係經理),問我o地o岩o岩加o架?我正開口答唔係,加o左好耐, 同如果冇落單就cancel.但佢等都唔等又走入去廚房.一會,男侍應同我講話整o緊.終於到o黎.
有幾片雲耳,味道鹹o左啲.
另,我o地叫o左兩個白飯.埋單$940.00,但都冇甜品送.
環境:
其實地方唔大,有好多盞水晶吊燈.
其他:
覺得女經理image唔pro,真係一啲都唔似經理,仍操少少郷音,髮型似師奶,制服唔’廷’身,好似冇熨過咁.我知道唔應該以貌取人,但呢間酒樓每樣菜幾乎最平都要$78.00,而且又唔係好好係食.同裝潢好似好華麗,佢o既服務又唔覺得好好,就令我覺得好唔值.
總括o黎講只屬中下.
PS: 翠苑主調係綠色,呢o度就紅色.
張貼