豆花妹撈米線 (已結業)

放學見肚餓就去旺角掃街，豆花好米線一早就聽過但就冇咩興趣想試，因為豆花係甜甜地嘅，米線又係鹹嘅，感覺好奇怪。但朋友想食就唯有陪佢。叫左個豆花米線同炸雞脾菇。豆花米線一試就愛上，米線好爽口而且好滑再加上佢地醬汁，醬汁香，辣。配合埋豆花，令醬汁味道更加凸出。炸雞脾菇都好好食，雞脾菇大大一件，好有關滿足感。一咬落去，菇味濃郁，外脆內軟。鍾意菇人士必試。