騏隆

營業中

休息中

成日介紹上水街市隱世乜乜物物，但成日都無介紹到騏隆椒鹽雞扒雙蛋飯！以＄32呢個價錢係上水可以食到一個好好味嘅午餐加埋一杯凍飲，你話邊度搵！雖然每次去都勁多人，尤其是晏晝食飯時間，台台都坐滿學生，但係如果你揀啱時間，好似話兩點左右去食，咁就fit啦！唔使迫，慢慢食！雞扒層皮趣卜卜，但啲肉一啲都唔老，雖然椒鹽係自己後來落嘅，但係加埋落去真係好惹味㗎！我叫嘅係生蛋，所以我選擇唔落豉油，將兩隻蛋黃撈埋啲飯再加上椒鹽，正啊！但係因為剩係得肉約飯都有啲好似唔太健康，所以我建議加多個10幾蚊嘅灼菜全走，都係一個唔錯嘅選擇。