唐記包點 (華園閣)

營業中

休息中

有時趕或想食平、靚、正食物，我總會幫襯「唐記包點」，唔講唔覺「唐記包點」總有一間係你區內，在香港、九龍、新界，遠至南區總會見到，超級方便。每次來到必定首選“菜肉包”，菜肉包，每個包都蒸櫃裡面，keep住熱，即order即在蒸櫃取出，快而準，味道方面包面甜甜地，裡面餡料足料，食到啖啖肉加菜香甜，食極都唔討厭。驚喜位係竟然有埋“香煎風味”$15蚊3件，$5.5有1件，我急不及待要了蔥油餅兩件鍋貼， 蔥油餅相當香脆， 鍋貼煎得邊都很脆口，裡面豬肉餡料都好夠味。鳳爪排骨飯是不能缺少，想起食蒸飯時必定會叫，價錢都係＄27蚊超值，而且份量十足，味道夠晒經典同傳統酒樓差不多。點心我較為喜歡燒賣，$17蚊有4粒，有豬肉味加蝦肉都彈牙，至於山竹牛肉都係$17蚊，都算可以啦。