影片
更多
2021-02-01
175 瀏覽
今日約咗朋友去香港仔釣魚，見到有間平價嘅日本餐廳，黃昏就試一試佢😎。因為我哋好肚餓，所以嗌左唔少既食物。食物份量大，有啲失預算，大家唔好眼闊肚窄啊🤣。三文魚腩刺身 $52本身以為咁平既價錢食到嘅質素可能都係普普通通，估唔到三款刺身都幾好🥺。三文魚腩肥美，因為佢係厚切，所以食落去比一般嘅三文魚刺身更正🥰。下次都會再嗌黎食！帆立貝刺身 $55帆立貝中間夾左塊青瓜，我就心諗「哦，咁細粒既」。點知原來係一粒巨大嘅帆立貝切開一半再攝咗塊青瓜入去😂。個人認為單純咁食帆立貝仲好😂，好甜好大粒😎！珍寶赤蝦刺身 $55依個就係重點，超大隻，一隻蝦要分三啖先食得完😙。蝦頭裏邊仲有膏架，蝦膏同肉都好甜，三樣入面依個最抵食😍。芝士年糕 $22相對比起其他餐廳平，我哋就算幾飽都好，點都要嗌埋。芝士年糕冇乜嘢可以點評，好食😂。芝士軟殼蟹卷 $58食親日本野必食軟殼蟹，今次嗌左小卷方便大家Share黎食😆。不過不失啦🤣🤣🤣！牛肉壽喜燒 $82八十幾蚊一份牛肉壽喜燒，我地完全冇預計到咁大份。成個鍋都係菜同配料（想知有咩配料自行睇圖，多到笑😂），包4-5塊肥肉，仲有一大碗烏冬，份量真係多到傻😂。湯底同配料都好好食，牛肉
三文魚腩刺身 $52
本身以為咁平既價錢食到嘅質素可能都係普普通通，估唔到三款刺身都幾好🥺。三文魚腩肥美，因為佢係厚切，所以食落去比一般嘅三文魚刺身更正🥰。下次都會再嗌黎食！
帆立貝刺身 $55
帆立貝中間夾左塊青瓜，我就心諗「哦，咁細粒既」。點知原來係一粒巨大嘅帆立貝切開一半再攝咗塊青瓜入去😂。個人認為單純咁食帆立貝仲好😂，好甜好大粒😎！
珍寶赤蝦刺身 $55
依個就係重點，超大隻，一隻蝦要分三啖先食得完😙。蝦頭裏邊仲有膏架，蝦膏同肉都好甜，三樣入面依個最抵食😍。
刺身
16 瀏覽
0 讚好
0 留言
芝士年糕 $22
相對比起其他餐廳平，我哋就算幾飽都好，點都要嗌埋。芝士年糕冇乜嘢可以點評，好食😂。
芝士年糕
$22
9 瀏覽
0 讚好
0 留言
芝士軟殼蟹卷 $58
食親日本野必食軟殼蟹，今次嗌左小卷方便大家Share黎食😆。不過不失啦🤣🤣🤣！
芝士軟殼蟹卷
$58
13 瀏覽
0 讚好
0 留言
牛肉壽喜燒 $82
八十幾蚊一份牛肉壽喜燒，我地完全冇預計到咁大份。成個鍋都係菜同配料（想知有咩配料自行睇圖，多到笑😂），包4-5塊肥肉，仲有一大碗烏冬，份量真係多到傻😂。湯底同配料都好好食，牛肉睇落大大片，食落一啲都唔韌。攞個烏冬落去yum一yum啲湯底好正。啲配料由頭煲到落尾，吸收晒湯底既精華🥰。已經有成年無食過吉X家，今次可以咁平既價錢，食到好食過吉X家既牛肉煲，有啲感動。
牛肉壽喜燒
$82
13 瀏覽
0 讚好
0 留言
埋單 $348（包加一）
張貼
