稻香 (德福廣場2期)

營業中

休息中

好耐無飲茶，今日黎左稻香飲，下午茶都幾多人，等十張八張枱㗎。原來下午茶點心有特價，全部一個價，咁又幾抵喎，可以唔使睇咩點就叫。叫左六樣野，點心都黎得幾快，樣都唔差。除左xo醬蘿蔔糕其他都幾好食，唯獨呢樣又油又盛似炸定好耐，仲好鹹添。唔覺唔覺原來都叫晒大點以上嘅點心，都唔算誇張啫，隔離個枱蝦餃燒賣一人一籠添啦，兩個人食四籠蝦餃燒賣，真係有幾鐘意食呀。不過部熱水機有無清潔㗎？打開層格水墊，下面有蜘蛛仔，眼不見為乾淨了。