甜品工房 (已結業)

年三十晚指定動作係睇戲, 今年睇十二金鴨, 睇完都未到十二點, 成班人就話去食糖水, 去到厚福街發現原來好多間甜品店都無開, 可能因為尖沙咀無年宵行, 所以生意都唔多好, 索性唔開, 好彩甜品工房仲開緊, 又唔洗排隊, 正!!我地個個不約而同點雪糕, 可能因為今年新年真係唔多凍, 新地都算好滑好重奶味, 上面朱古力雪糕球又很濃朱古力味, 甜得黎無甘苦味, 仲一啖新地一啖朱古力脆米花, 口感一軟一脆, 正, 下面仲有咖啡味的啫喱, 滑溜溜又唔苦, 多重口感! 下次要再試下其他味!!