The Stadium (已結業)

收爐啦！要搵個地方食餐好，聽師傅講今年九龍東係比較好運，於是上網睇吓觀塘區有乜美食，見到依間The Stadium西餐賣相吸引，我家公主都話嚟呢度食，於是就決定去依間餐廳，一入餐廳發現地方好大，水吧位於餐廳嘅中間，有部大電視對住水吧，係播英超足球，餐廳嘅牆身好多相架，相架入邊係有好多件唔同嘅波衫分別有籃球、欖球、足球等等，亦都有足球機供顧客玩，好適合一班大小朋友聚會嘅地方。不過可能多客嘅關係，服務員今日比較忙碌，服務質素有待改善。烤羊西冷扒配薯蓉（7成熟）羊扒夠鮮味又唔騷，非常Juicy烤肉眼牛扒配芝士薯餅（7成熟）牛扒好大件，肉夠嫩口，配芝士薯餅一流松露野菌闊條麵好香嘅松露味，闊條麵軟硬度適中炸魚薯條份量較少，如果可以多啲就好啦