稻香超級漁港 (已結業)

同暖暖的親戚吃飯。六點半便來了。都好旺場下。叫了新年餐，都好多大碟頭菜式，好似去飲咁。但點解龍蝦係配意粉，唔係伊麵o既？個翅都好足料。條東星班成八百幾蚊，但唔係好大條，不過蒸得剛好，肉好滑。整體來說，菜式都好好味，服務亦有禮。有點美中不足是無糖水。十二人食三千幾蚊，埋單後有一人一封利是回贈，包裝好精美。雖然都知羊毛出自羊身上，但皆大歡喜，即使是小動作，都係可以逗人開心o既。呢條橋都幾有創意o丫。新年其實幾好，大家搵倒錢，又有假，市面氣氛好，一家人聚頭就好開心，用多少少錢都無計啦。全晚坐無虛席，最開心都是東主了。希望豬年百業興旺，樣樣好景，人人賺多D。